DET 22. MØTET I CEN/TC260/WG3
KALKINGSMIDLER FOR LANDBRUKET
HOS PARTEK NORDKALK OY AB,
Hotel Hamburger Börs
TURKU, FINLAND
02.-03.09.2002
4 krevande tema var gjenstand for forhandlingar under dette møtet for europeisk standardisering i CEN/TC260/WG3, der Karl-Jan Erstad frå Rådgivande Agronomar AS møtte på vegne av norske interesser: Jordinkubasjon, Måling av kalktrong i jord, Syre-/baseverknad av mineralgjødsel og Minimumskrav til landbrukskalk (prEN 14069).
1. Jordinkubasjon
Det vart vedtatt at standarden skulle skillast i 2 delar,
Metode A (fransk, kvalitativ) og Metode B (norsk, kvantitativ med
måling av effektivitet), gjort gjeldande etter kapittel 3
’Principle’. Dette arbeidet skal gjerast ferdig av Mr.
FranV ois-Xavier Gaumont (F) og
Dr. Karl-Jan Erstad (N) innan utgangen av september 2002.
I regi av Frankrike og Noreg skal det organiserast ringtest med følgande innsatsparametrar: 4 produkt + referansemateriale, 2 utsende jordtypar (evt. + 2 lokale), og med 8 deltakande laboratorium.
2. Måling av kalktrong i jord
Det var oppmoda å komme med kommentarar til Mr. Joachim
Pollehn (D), men han hadde fått få merknader. Noreg hadde gitt
innspel om tilføying av kriterium for giftig aluminium i jord,
Al-AS (ammoniumsulfatløyseleg), opprinneleg frå svensk hald
– Dr. Sten Ståhlberg. Arbeidet med denne generelle
standarden går sakte framover.
3. Syre-/baseverknad av mineralgjødsel
Dei tyske ekspertane framstilte trongen for utviding av denne
NV-metoden til mineralgjødselsida slik at ein no avgrensa han
til gjødsel som berre kan innehalde kalsitt, dolomitt og evt.
nøytralsalt av kalsium og magnesium, ikkje andre. Vidare skulle
gjødselslaga ikkje innehalde nitrogen.
Etter dette reviderte tyske framlegget var det tydeleg at ein hadde brodd mot det vide spekteret av fosforgjødseltypar i Tyskland som "segla under falsk flagg," d.v.s. deklarerte at alle Ca- og Mg-sambindingar hadde kalkverknad.
Dei øvrige landa vendte seg no mot det snevre, tyske framlegget, og røystinga enda med 10 røyster mot den tyske grunngjevinga (rettferdiggjeringa) av det utvida Føremålet for EN 12945, og berre 4 for. Noreg fremmar forslag til neste TC260-møte om oppretting av ei felles Oppdragsgruppe mellom WG2 og WG3 for brei vurdering av kalkverknad av gjødsel i jord.
4. Kommentar- og resolusjonsmøte – resultat av 2. høyring for prEN 14069
Irlendarane protesterte stadig for all verda, og går ned med segla til topps. Saka var tapt for Irland sitt steile standpunkt. Irland hevda at vi skulle standardisere "høgkvalitetsprodukt," men sekretær Mr. Brian Annis (UK) tilbakeviste at dette var fundert i CEN-regelverket.
Som presisering – og også for å imøtekomme irsk kritikk om at bøndene vert lurte – vart det på nytt stadfesta at i krava til kalken skal NV (nøytraliserande verdi) verte vurdert på tørrstoffbasis, men deklarasjonen skal innehalde NV (og magnesium) som levert. Det er ingen signal om at EU-lov er på trappene, og strengare, nasjonale krav er overordna denne standarden. BeNeLux-området vil søke om A-avvik, fordi ein har NV-grenser på lågare nivå.
Neste møte på TC260-nivå vert i Brussel, Belgia, 04.-05. november 2002, og i WG3 vert i Sverige 10.-11. mars 2003, truleg i Malmö.
Fleire opplysningar om sakene kan innhentast frå Rådgivande Agronomar AS, Norsk Allmennstandardisering (v/Inger S. Jørgensen, Oslo), Norsk Kalkforening (v/Carl S. Østberg, Hamar) og Hydro Agri Norge (v/Torbjørn Legard, Porsgrunn).